Իրանի նախագահը չի մասնակցի Բաքվում կայանալիք COP29 համաժողովին

Իրանական ԶԼՄ-ները հայտնում են, որ Իրանի նախագահ Մասուդ Փեզեշքիանը չի մասնակցի Բաքվում կայանալիք COP29 համաժողովին: Այս մասին իր Telegram-ալիքում գրել է իրանագետ Ժաննա Վարդանյանը:   

"ԶԼՄ-ների տվյալներով՝ Փեզեշքիանը չի մեկնի Բաքու, քանի որ համաժողովին չեն մասնակցելու աշխարհի տարբեր երկրների առաջնորդներ, բացի այս՝ Բաքվում է գտնվելու Իսրայելի նախագահը",- գրել է Վարդանյանը: Նաև հիշեցրել, որ Իրանը մի քանի ամիս է, ինչ Ադրբեջանում չունի դեսպան: