Բաքվում մեկնարկում է COP29-ը. ովքե՞ր կմասնակցեն և ովքե՞ր են հրաժարվել

Այսօր Բաքվում մեկնարկում է COP29-ը։

Ադրբեջանը մեծ հպարտությամբ պարբերաբար հայտնում է, թե ո՞ր երկրներն են մասնակցելու իր համար չափազանց մեծ կարևորությունը ներկայացնող այս միջոցառմանը: Հիշենք՝ COP29-ի անցկացման համար Բաքուն անգամ ընտրությունների ժամկետը փոխեց՝ անցկացնելով դրանք սեպտեմբերին:

Ադրբեջանը հայտնել է, որ COP29-ին կմասնակցի Վրաստանի վարչապետը, որը նաև առանձին հանդիպում կունենա Ալիևի հետ, Իրանի և Թուրքիայի նախագահները: Սպսվում է նաև Նեթանյահուն: Կմասնակցի «Թալիբան» շարժումը, Աֆղանստանը, Զիմբաբվեն, Տանզանիան: Ռուսաստանը պատվիրակությունը կգլխավորի վարչապետ Միխայիլ Միշուստինը:

Հայտնի է նաև, թե որ երկրներն են հրաժարվել մասնակցել՝ Ֆրանսիան, Գերմանիան՝ պատճառաբանելով ներքաղաքական խնդիրներով, Կանադայի վարչապետ Ջասթին Թրյուդոն, Հնդկաստանի վարչապետ Նարենդա Մոդին, Չինաստանի առաջնորդ Սի Ծինփինը և այլ առաջնորդներ: 

ՀՀ-ն մինչ այս պահը իր մասնակցելու կամ չմասնակցելու մասին պաշտոնապես չի հայտնել: Թեև քաղաքագիտական շրջանակները կասկածում են, որ Հայաստանը չի մասնակցելու: 

Ընդհանուր առմամբ, ՄԱԿ-ի տվյալներով՝ ավելի քան 100 երկրների առաջնորդներ և կառավարության ղեկավարներ հաստատել են իրենց մասնակցությունը միջոցառմանը: