Մովսես Հակոբյան. Ադրբեջանի տարածքում կարող ենք խոցել ցանկացած թիրախ, որը մեզ համար անհրաժեշտ կլինի

Ապրիլյան գործողությունները ևս մեկ քննություն էր, որտեղ ՀՀ Զինված ուժերն իր առաքելությունը կատարեց պատշաճ կերպով և ևս մեկ անգամ ապացուցեց, որ ինքն ի վիճակ է ապահովել մեր ժողովրդի անվտանգությունը: Այս մասին, Հայկական բանակի կազմավորման 25 ամյակի կապակցությամբ լրագրողների հետ զրույցում հայտարարեց ՀՀ ԶՈՒ գլխավոր շտաբի պետ Մովսես Հակոբյանը` նշելով, որ ՀՀ-ն երբեք չի հայտարարել, որ պատրաստվում է պատերազմի:

«Մենք ունենք այն հնարավորությունը, որ ցանկացած թիրախ, որը մեզ համար անհրաժեշտ կլինի խոցել Ադրբեջանի տարածքում, իրականացնենք 15 մետր ճշգրտությամբ: Մեր հնարավորությունները բավարար են մեր երկրի, մեր ժողովրդի անվտանգությունը ապահովելու համար»,-ասաց նա:

Որպես զինվորական` ինքը ամեն րոպե և ամեն ժամ սպասում է պատերազմի,և ՀՀ ԶՈՒ գործողություններն ուղղված են դրան ՝ պատրաստվել պատերազմին, դրանով իսկ կանխելով պատերազմի վերսկսումը: