ՀԾԿՀ-ն մերժել է ռուսական «ՄՏՍ»-ին վերակառուցել իր բիզնեսը Հայաստանում

Հանրային ծառայությունները կարգավորող հանձնաժողովը մերժել է ռուսական «ՄՏՍ»–ին՝ վերակառուցել իր բիզնեսը ՀՀ–ում։

Որոշման համար հիմք է հանդիսացել ՀՀ ԲՏ նախարարության եզրակացությունը, որի մեջ նշվել է` քանի որ հավանություն է տվել «ՄՏՍ Հայաստանի» բաժնետոմսերի վաճառքի հայտին, չի հաստատի այս նոր հայտը։

Հիշեցնենք, «ՄՏՍ» մայր ընկերությունը պատրաստվում էր գնել «ՄՏՍ Հայաստանի» բաժնետոմսերի 100%–ը Կիպրոսում գրանցված Aramayo Investments Limited ընկերությունից:

Ավելի վաղ հայտնի դարձավ, որ «ՄՏՍ Հայաստան»-ի վաճառքի գործարքը կարող էր չկայանալ։ Հարցն ընդգրկված էր Հանրային ծառայությունները կարգավորող հանձնաժողովի՝ հունվարի 17-ին կայանալիք նիստի օրակարգում։