Արցախցիների բողոքի միակ թիրախը պետք է լինի Հայաստանի իշխանությունը

Հայտնի է, որ ցանկացած երկրում, ցույցեր, նստացույցեր, հացադուլներ և բողոքի այլ ձևեր , անհատները, կազմակերպությունները, հասարակությունը, ժողովուրդն անում են տվյալ պետության իշխանությունների դեմ, իրենց հստակ պահանջներով։ Հարց է առաջանում, ո՞ւմ դեմ է և ումից ինչ է պահանջում Արցախի նախագահ Արայիկ Հարությունյանի բողոք-նստացույցը։ Այս հարցազրույցն է հնչեցնում քաղաքագետ Ավետիք Իշխանյանը:

"Այսինքն, արդեն իսկ դրանով, Արայիկ Հարությունյանը, մեղմ ասած, կասկածի տակ է դնում Արցախի սուբյեկտայնությունը։ Հուսանք, որ բողոքն ուղղված չի , այսպես կոչված, միջազգային հանրությանը, որի հանրահայտ ներկայացուցիչներից մեկը՝ Եվրոպական հանձնաժողովի նախագահ Շառլ Միշելը ողջունեց Աղդամով հումանիտար ճանապարհը։

Հավանաբար, բողոքի հասցեատերը Ռուսաստանն է և այն Հայաստանի վարչապետ կոչեցյալի
հանձարարականն է, քանի որ ինքն է ճանաչել Արցախն Ադրբեջանի մաս, բայց մեղավորը՝ Ռուսաստանն է։ Եվ ի՞նչ․․․Եթե բողոքը ոչնչի չհասցնի, ո՞րն է լինելու հաջորդ քայլը։ Պարզ է, գնալ երկխոսության թշնամու հետ, մասնակից դառնալով Արցախի հայաթափմանը։

Արցախցիների բողոքի միակ թիրախը պետք է լինի Հայաստանի իշխանությունը, իր վարչապետ կոչեցյալ, դավաճանի գլխավորությամբ։ Այնպես որ, վարչապետ կոչեցյալի, աշխատակազմի ղեկավար , թյու՜, Արցախի նախագահ՝ Արայիկ Հարությունյանը, ոչ թե պետք է դիմեր նստացույց-բողոքի քայլի, այլ կոչ աներ ողջ հայությանը, ոտքի կանգնել և վռնդել Հայաստանի ազգադավ իշխանությանը",-գրել է Իշխանյանը։