Ցանկացած իրավիճակ կարող է արմատապես փոխվել. դա հաճախ է պատահում, երբ չես ակնկալում

Ոմանք կարծում են, որ քաղաքականությունն ու աշխարհաքաղաքականությունը շախմատ են, որտեղ հաշվարկներ են պետք, և ով կարող է ավելի խորը հաշվարկ կատարել, ավելի շատ քայլեր հաշվարկել,, նա ավելի պատրաստված է, քան հակառակորդը և հաջողության հասնելու ավելի մեծ շանսեր ունի: Այս մասին Facebook-ի իր էջում գրել է Արցախի նախկին ԱԳ նախարար, Արցախի նախագահի խորհրդական Դավիթ Բաբայանը:

"Այո, քաղաքականության և աշխարհաքաղաքականության մեջ շատ կարևոր է հաշվարկը։ Բայց շախմատն իր ողջ բարդությամբ և գեղեցկությամբ, այնուամենայնիվ, մասամբ է արտացոլում քաղաքականությունն ու աշխարհաքաղաքականությունը: Քաղաքականությունն ու աշխարհաքաղաքականությունը ավելի ճշգրիտ է արտացոլում նարդին։ Այս խաղը նույնպես շատ հետաքրքիր է, այստեղ նույնպես պետք է հաշվարկել քայլերը: Բայց, ի տարբերություն շախմատի, այստեղ առկա է նաև ֆորսմաժորային տարր, ուժ, որը բացարձակապես հնարավոր չէ կանխատեսել։ Այս դերը խաղում է զառը: Այդպես է քաղաքականության, աշխարհաքաղաքականության և կյանքում: Այնպես որ, ցանկացած իրավիճակ կարող է արմատապես փոխվել, և դա հաճախ է պատահում, երբ դա նույնիսկ չես էլ ակնկալում"։