ՀՀ-ում Գերմանիայի դեսպանությունը խորապես ցնցված և ազդված է երեկվա ողբերգությունից

Հայաստանում Գերմանիայի դեսպանությունը խորապես ցնցված և ազդված է երեկ Ազատում տեղի ունեցած և այդքան շատ մարդկային կյանք խլած ողբերգության լուրերից։

Դեսպանությունն իր ֆեյսբուքյան էջում գրել է.

"Մտովի բոլոր նրանց հետ ենք, ովքեր այնտեղ կորցրել են իրենց հարազատներին։ Գերմանիան սգում է նրանց հետ։ Բոլոր վիրավորներին մաղթում ենք շուտափույթ ապաքինում"։

VERELQ-ը հիշեցնում է, որ հունվարի 19-ին ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 զինծառայող, 3 զինծառայողի վիճակը գնահատվում է ծանր։