ՆԱՏՕ-ի գլխավոր քարտուղարի հատուկ ներկայացուցիչը կժամանի Հայաստան

Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան այս շաբաթ կժամանի Ադրբեջան և Հայաստան։

Այցը երկու երկրների պաշտոնյաների հետ համակարգված քաղաքական խորհրդակցությունների մի մասն է։

Նշվում է, որ այցի ընթացքում հատուկ ներկայացուցիչը մտքեր կփոխանակի բարձրաստիճան պաշտոնյաների հետ անվտանգության ոլորտում տարածաշրջանում տեղի ունեցող զարգացումների և այդ երկրների հետ ՆԱՏՕ-ի գործընկերության վերաբերյալ։