Դեսպանությունների ռազմական կցորդներն այցելել են ՀՀ Պաշտպանության նախարարություն

ՀՀ ՊՆ-ից հայտնում են, որ դեկտեմբերի 21-ին ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանը հանդիպել է ՀՀ-ում հավատարմագրված օտարերկրյա դեսպանությունների ռազմական կցորդների հետ։

Տարեվերջյան ամփոփիչ հանդիպման ընթացքում ամփոփվել են ընթացիկ տարում իրականացրած աշխատանքները, հյուրերին ներկայացվել է բրիֆինգ ՀՀ անվտանգային միջավայրի և պաշտպանության ոլորտում իրականացվող բարեփոխումների վերաբերյալ։

Նշվել է, որ 2023 թ. ակնկալվում է առավել դինամիկ համագործակցություն ռազմադիվանագիտական ոլորտում։