Արցախից է կախված Կովկասի, Մերձավոր Արևելքի ապագա աշխարհաքաղաքական կոնֆիգուրացիան. Բաբայան

Բոլորը գիտեն Արքիմեդի ասացվածքը՝ «Տուր ինձ հենակետ, և ես կշարժեմ երկիրը»: Աշխարհաքաղաքականության մեջ էլ կան նման կետեր, այդ թվում՝ Արցախում։ Այս մասին Տելեգրամի իր ալիքում գրել է Արցախի ԱԳ նախարար Դավիթ Բաբայանը:

"Արցախն այն առանցքային աշխարհաքաղաքական հենակետերից մեկն է, որից կախված է ապագա աշխարհաքաղաքական կոնֆիգուրացիան Կովկասի, Մերձավոր Արևելքի և Կենտրոնական Ասիայի հսկայական տարածքներում: Դա և՛ գանձ է, և՛ պատիժ։ Բայց ամեն ինչ կախված է առաջին հերթին մեզնից, թե ինչպես կօգտագործենք մեր երկրի այս առանձնահատկությունը",- գրել է Բաբայանը։