ՀՀ դեսպանն ու Վրաստանի արդարադատության նախարարը քննարկել են երկկողմ համագործակցությունը

Հոկտեմբերի 11-ին Վրաստանում ՀՀ դեսպան Աշոտ Սմբատյանը հանդիպում ունեցավ Վրաստանի արդարադատության նախարար Ռատի Բրեգաձեի հետ։

Հանդիպմանն անդրադարձ կատարվեց արդարադատության ոլորտում Հայաստանում և Վրաստանում տեղի ունեցող բարեփոխումներին և այս ուղղությամբ երկկողմ համագործակցությանը։

Ընդգծվեց երկու երկրների արդարադատության նախարարությունների միջև արդեն ավանդական դարձած պարբերական շփումների և քննարկումների շարունակականության ապահովման կարևորությունը։