Ուորլիք. Փարիզում Նալբանդյանի հետ հանդիպումը դրական արդյունքներ է տվել

ԵԱՀԿ-ի Մինսկի խմբի համանախագահները Փարիզում հանդիպում են ունեցել Հայաստանի արտգործնախարար Էդվարդ Նալբանդյանի հետ:

Մինսկի խմբի ամերիկացի համանախագահ Ջեյմս Ուորլիքը Twitter-ը իր էջում գրառում է կատարել, որ հանդիպման ընթացքում քննարկվել են ղարաբաղյան հակամարտության կարգավորման ուղիները: «Նալբանդյանի հետ հանդիպման ընթացքում տեղի են ունեցել արդյունավետ և դրական քննարկումներ, որոնք նոր հնարավորություններ կստեղծեն ղարաբաղյան հակամարտության կարգավորման համար»:

Ապրիլի 30-ին նախատեսվում է Մինսկի խմբի համանախագահների հանդիպումը Ադրբեջանի արտգործնախարար Էլմար Մամեդյարովի հետ: