Հայացք Թբիլիսիից. «Վրացական երազանքը»՝ խորհրդարանական ընտրությունների առաջատար

Վրաստանի խորհրդարանական ընտրություններում առաջատար քաղաքական ուժերն ու մրցակիցներն են «Վրացական երազանք» ու «Միացյալ ազգային շարժում» կուսակցությունները: Նրանց ժողովրդականության աստիճանը գրեթե նույն է: Այդ մասին հայտարարել է վրացի քաղաքագետ Գիա Նոդիան:

Նա նշել է, որ այդ երկու ուժերի միջև չկա միանշական գերակայություն, սակայն կան մի քանի կուսակցություններ ու միություններ, որոնք կարող են հավակնել երրորդ ուժի: Այդ ուժերից մեկը օպերային երգիչ Պաատա Բուրչուլաձեն է՝ «Պետություն՝ ժողովրդի համար» քաղաքական ուժով:

Նրա խոսքով, եթե ընտրություններն արդար անցնեն Վրացական երազանքը մեծամասնություն չի հավաքի, այլ ընտրությունների արդյունքով կարող է խորհրդարանական կոալիցիա ձևավորվել, փոխանցում է 1news.az կայքը:

Գեոպոլիտիկայի ուսումնասիրության կովկասյան միջազգային կենտրոնի նախագահ Գուրամ Մարխուլիան հայտարարել է, որ Վրացական երազանքն ընտրություններին կստանա մեծամասնություն, սակայն խորհրդարանում կհայտնվեն ևս մի քանի կուսակցություններ՝առաջին հերթին Պատրիոտների ալյանսը, Հանրապետական կուսակցությունն ու Ազգային շարժումը: Այլ կուսակցությունները ոչ էական քանակությամբ ձայներ կստանան:

Նրա խոսքով, չի բացառվում նաև գաղափարապես միմյանց մոտ գտնվող քաղաքական ուժերի միջև կոալիցիոն կառավարության ձևավորում: