Լավրովն ու Չավուշօղլուն քննարկել են միջազգային և տարածաշրջանային օրակարգը

Հուլիսի 7-ին Ռուսաստանի արտգործնախարար Սերգեյ Լավրովը Բալիում G20-ի ԱԳ նախարարների հանդիպման շրջանակում հանդիպել է Թուրքիայի արտգործնախարար Մևլութ Չավուշօղլուի հետ։

Այս մասին հայտնում է ՌԴ ԱԳՆ մամուլի ծառայությունը։

Ըստ աղբյուրի՝ կողմերը մտքեր են փոխանակել միջազգային և տարածաշրջանային օրակարգի շուրջ՝ շեշտը դնելով Ուկրաինայում տիրող իրավիճակի վրա։  

Զրուցակիցներն անդրադարձել են նաև միջազգային այլ հարցերի, այդ թվում՝ Ռուսաստանի և Թուրքիայի փոխգործակցությանը Սև ծովում։