Արցախի դրոշ ԱԳՆ մոտ. ընդդիմությունը շարունակում է խաղաղ երթը Երևանի փողոցներով (ՖՈՏՈՇԱՐՔ)

Այս րոպեներին Երևանի փողոցներով շարունակվում է ընդդիմության երթը Նիկոլ Փաշինյանի հրաժարականի պահանջով:

Հիշեցնենք, ԱԺ-Կառավարության հարցուպատասխանի ժամանակ ցուցարարները Բաղրամյան պողոտայում էին՝ ԱԺ շենքի մոտ, որտեղ իրավիճակը լարված էր: Իրավապահների հետ քաշքշուկների մի քանի դրվագներ արձանագրվեցին:

Ընդդիմադիրները հորդորում են չտրվել սադրանքների ու շարունակել խաղաղ երթը:

Երթի մասնակիցները մի խահ կանգ առան ԱԳՆ շենքի մոտ, որտեղ առանց խոչընդոտների, նախարարության դռան մոտ տեղադրեցին Արցախի դրոշը, իսկ Թուրքիայի դրոշն էլ նետեցին հատակին՝ որպես նվեր նախարար Արարատ Միրզոյանին: