ՀՀ-ում իրավական կարգը պաշտպանում են ապաքաղաքական և նվիրյալ հայրենասերները. Դավթյան

Մայիսի 4-ին խորհրդարանը, շարունակելով հերթական նիստերի աշխատանքը, քվեարկությամբ ընդունեց նախորդ օրը քննարկված օրինագծերը։

Այնուհետև շարունակվել է ՀՀ դատախազության 2021 թվականի գործունեության տարեկան հաշվետվության քննարկումը։

Հայաստանի գլխավոր դատախազ Արթուր Դավթյանն ասել է, որ դատախազությունում ներկայումս աշխատում է 412 դատախազ, 12-13 պաշտոն թափուր է։

Պատգամավորներն իրենց ելույթներում շեշտեցին, որ կառույցը մեծ աշխատանք է կատարել, հատկապես նշել են Ազգային ժողովում դատախազության գործունեության տարեկան հաշվետվության քննարկումը։

Նշվել է, որ բացառիկ հնարավորություն կա հանրայնացնելու դատախազության կողմից օրենքի գերակայության վերականգնման, հանցագործությունների կանխարգելման, մեղավորներին բացահայտելու և պատասխանատվության ենթարկելու ուղղությամբ իրականացվող աշխատանքները։

Եզրափակիչ խոսքում ՀՀ գլխավոր դատախազը շնորհակալություն հայտնեց պատգամավորներին՝ վերջին մեկ տարվա ընթացքում դատախազության և քրեական հետապնդման այլ մարմինների հետ համագործակցության համար։ Նա նաև երախտագիտությունը հայտնեց իր գործընկերներին 2021 թվականին բարեխիղճ ծառայության համար։

«Հայաստանի Հանրապետությունում իրավական կարգը պաշտպանում են ապաքաղաքական և նվիրյալ հայրենասերները», - ասաց Արթուր Դավթյանը։