«Ռոսիա» ավիաընկերությունը կսկսի ուղիղ չվերթներ իրականացնել Մոսկվայից Երևան

«Ռոսիա» ավիաընկերությունը (Աերոֆլոտ խումբ) կսկսի կանոնավոր ուղիղ չվերթներ իրականացնել Մոսկվայից Հայաստանի Հանրապետության մայրաքաղաք Երևան։ Թռիչքները կիրականացվեն մայրաքաղաքի Շերեմետևո օդանավակայանից ամենօրյա ռեժիմով և կփոխարինեն «Աերոֆլոտ»-ի թռիչքներն այս ուղղությամբ։

Ավիափոխադրողը թռիչքներն իրականացնելու է Մոսկվա-Երևան-Մոսկվա երթուղով ռուսական արտադրության ժամանակակից և հարմարավետ Superjet 100 ինքնաթիռներով, որոնք ներկայացված են երկու դասով։ Ինքնաթիռում նստատեղերի ընդհանուր թիվը 87 է, որից 12-ը՝ բիզնես, 75-ը՝ էկոնոմ դասի։ 

«Ռոսիա»-ն նաև ամենօրյա կանոնավոր ուղիղ չվերթներ է իրականացնում Սոչիից դեպի Երևան։ Դրանք Սոչիից արտասահմանյան ավիափոխադրողի նոր լայնածավալ թռիչքների ծրագրի մի մասն են ներքին Superjet 100 ինքնաթիռով: