Նիկոլ Փաշինյանն Արցախը հանել է աշխարհաքաղաքական աճուրդի. կարծիք

Հայաստանի Հանրապետական ​​կուսակցության փոխնախագահ Արմեն Աշոտյանը վերլուծել է ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի հանդիպումը, որի արդյունքում ստորագրվել է համապարփակ համատեղ հայտարարություն։

Նրա խոսքով, եթե մենք ունենայինք նորմալ իշխանություն, ռազմավարական դաշնակցի ղեկավարի հետ հանդիպումից սպասելիքները մեծ կլինեին:

«Ցավոք, հայկական կողմը ներկայացնող անձը չի կարող կամ չի ցանկանում սթափ ձևավորել ազգային առաջնահերթությունների իրական օրակարգ նույնիսկ իր երկրի ներսում, հետևաբար պատահական չէ, որ Հայաստանի համար կենսական նշանակություն ունեցող երկրի ղեկավարի հետ հանդիպմանը նա չկարողացավ կամ չցանկացավ առաջ տանել համայն հայության թիվ մեկ առաջնահերթությունը՝ Արցախի ապագան։

Համատեղ հայտարարությունում, ցավոք, չի ընդգծվում Լեռնային Ղարաբաղի ապագա կարգավիճակի կարևորությունը, հակամարտությունների կարգավորման հիմնարար սկզբունքները, այդ թվում՝ ինքնորոշման իրավունքը։

Սա առաջին հերթին ինձ անհանգստացնում է, թեև միջազգային հայտարարության շրջանում այս թեզի բացակայությունը, ցավոք, դեռևս բնական է լինելու, քանի որ մեզ ներկայացնում է Արցախը աշխարհաքաղաքական աճուրդի հանած Նիկոլ Փաշինյանը»,- գրել է Աշոտյանը Telegram-ի իր ալիքում։