Թուրքիան պաշտոնապես կմիջամտի նաև Ադրբեջանի ներքին գործերին՝ կայունության համար․ Աբովյան

"Բարգավաճ Հայաստան" կուսակցության անդամ, ԱԺ նախկին պատգամավոր Արման Աբովյանը կիսվում է հետաքրքիր նորություններով, որոնք ստացվում են թշնամի պետություններից։

"Գաղտնիք չի հանդիսանում այն փաստը, որ Ադրբեջանը իր ռազմա-քաղաքական և դիվանագիտական անկախությունը լիարժեք հանձնել է թուրքերի տրամադրությանը, իսկ եթե ավելի հստակ, ապա թուրքերը փաստացի ղեկավարում են Ադրբեջանը։

Պարզ է, որ այդ ընթացքը լիովին համապատասխանում է թուրքական դոմինանտության կոնցեպտին թուրքալեզու պետությունների քաղաքական և ռազմական ուղղությունների նկատմամբ։

Սակայն պետք է նաեւ փաստել, որ թուրքական կողմը բավական հետևողական է իր տակ վերցնելու նաեւ Ադրբեջանի ներքին ռիսկերի կառավարման վերահսկողության գործիքները։ Այդ իսկ պատճառով Ադրբեջանի և Թուրքիայի Ներքին գործերի նախարարությունների միջև կնքվեց մի համաձայնագիր, ըստ որի թուրքերի ոստիկանական ուժերը կստանան իրավունք օգնություն ցուցաբերել ադրբեջանական ոստիկանությանը "կանխելու" ինչ-որ գործընթացներ, որոնք կվտանգեն "ներքին կայունությունը" Ադրբեջանում։

Կարելի է փաստել, որ թուրքերը լեգիտիմացնում են իրենց ակտիվ վերահսկողությունը Ադրբեջանի ներքին գործընթացների հանդեպ։

Ինչ է դա նշանակում, կարծում եմ, բացատրելն ավելորդ է",- գրել է Աբովյանը Facebook-ի իր էջում՝ հրապարակելով փաստաթուղթը։