Ձյուն և մերկասառույց. ԱԻՆ-ը` ավտոճանապարհների մասին

ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ:

Փակ են Ամբերդ բարձր լեռնային օդերևութաբանական կայանից դեպի Արագածոտնի մարզի Ամբերդ ամրոց և Քարի լիճ տանող ճանապարհները։

Վարդենյաց լեռնանցքը փակ է բոլոր տեսակի ավտոմեքենաների համար:

Անանցանելի են Շիրակի մարզի Աշոցք-Ամասիա միջհամայնքային ճանապարհները և Վայոց ձորի մարզերի Սարավան-Զանգեր հատվածը (բեռնատարների համար):

Լոռու և Շիրակի մարզերում, Գորայք-Զանգեր հատվածում, Սյունիքի Գորիս, Կոտայքի Չարենցավան և Եղվարդ քաղաքներում, Արագածոտնի մարզի Աշտարակ, Ապարան, Թալին քաղաքներում տեղում է ձյուն։

Արագած-Արթիկ հատվածում, Արագածոտնի մարզի Ապարան թաղամասում, Տավուշի մարզում՝ Դիլիջանի ոլորաններում, տեղ-տեղ դիտվում է ձնախառն անձրեւ։

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տվյալների համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցներ:

Վարորդներին խորհուրդ է տրվում երթևեկել բացառապես ձմեռային անվադողերով: