Հայաստանում հաստատվել է կորոնավիրուսի 753 նոր դեպք, գրանցվել է 19 մահ

Հայաստանում փետրվարի 21-ին հաստատվել է կորոնավիրուսի 753 նոր դեպք: Կատարվել է 5 588 թեստավորում, որից  դրական է թեստերի 13,4 տոկոսը։

Ինչպես տեղեկացնում է առողջապահության նախարարությունը, մեկ օրում առողջացել է 2 075 մարդ։ Արձանագրվել մահվան 19 դեպք։

Փետրվարի 22-ի ժամը 11:00-ի դրությամբ` հաստատվել է կորոնավիրուսային հիվանդության ընդհանուր 416 510 դեպք, որոնցից 394 155-ը` առողջացած: Ընդհանուր առմամբ, կատարվել է 2 870 459 թեստավորում: Փաստացի բուժում է ստանում 12 408 մարդ։

Ընդհանուր առմամբ, կորոնավիրուսի հետևանքով 8 354 մահվան դեպք է արձանագրվել: Այլ հիվանդության պատճառով մահվան դեպքերի ընդհանուր թիվը 1 590 է: