ԵԱՏՄ Մաքսային օրենսգրքում փոփոխությունների առաջին փաթեթը պատրաստվելու է 2022 թ.

Եվրասիական տնտեսական միությունում մաքսային կարգավորման կատարելագործման հարցերով աշխատանքային խմբի նիստում որոշում է ընդունվել մինչև փետրվարի 20-ը արդիականացնել առաջնահերթ հարցերի ցանկը, որոնք կմտնեն ԵԱՏՄ Մաքսային օրենսգրքում փոփոխությունների առաջին փաթեթի մեջ:

Խորհրդակցությունը կայացել է փետրվարի 9-ին Եվրասիական տնտեսական հանձնաժողովի կենտրոնակայանում՝ Միության երկրների ներկայացուցիչների մասնակցությամբ:

Մաքսային կարգավորման կատարելագործման համակարգային աշխատանքը նախատեսված է 2025 ռազմավարությամբ եւ պետք է ավարտվի մինչեւ 2024 թվականը:

Ինչպես ընդգծել է ԵՏՀ Կոլեգիայի նախագահ Միխայիլ Մյասնիկովիչը, օպերատիվ աշխատանքի համար անհրաժեշտ է կենտրոնանալ այն հարցերի վրա, որոնք երկրների համար առաջնային նշանակություն ունեն:

"Մինչեւ փետրվարի 20-ը խնդրում եմ կողմերի լիազոր մարմիններին արդիականացնել ցանկը, որպեսզի միջկառավարական խորհրդում հանձնաժողովը զեկուցի համաձայնեցված մոտեցումների, աշխատանքների ժամկետների եւ փուլերի մասին", - ասել է Միխայիլ Մյասնիկովիչը:

Ընդհանուր առմամբ առաջարկվել է ավելի քան 300 փոփոխություն։ Ինչպես հայտնել է ԵՏՀ մաքսային համագործակցության հարցերով նախարար Մաքսատ Մամիտկանովը, այսօրվա դրությամբ համաձայնեցված է շուրջ 110 փոփոխություն, ևս մոտ 60-ը գտնվում են պատրաստվածության բարձր աստիճանի մեջ:

Արձանագրությունների համալիր նախագծերի փուլային ձեւավորումը թույլ կտա արագացնել մաքսային կարգավորման կատարելագործման աշխատանքները։

Բացի այդ, աշխատանքային խումբը քննարկել է արտաքին էլեկտրոնային առևտրի կարգավորման մասով ԵԱՏՄ Մաքսային օրենսգրքում փոփոխությունների ներպետական համաձայնեցման արդյունքները:

Փոփոխություններն ուղղված են արտաքին էլեկտրոնային առեւտրի շրջանակներում ձեռք բերված ապրանքների առանձին կատեգորիայի հատկացմանը՝ դրա կարգավորման առանձնահատկությունների սահմանմամբ, էլեկտրոնային առեւտրի օպերատորի ինստիտուտի, էլեկտրոնային առեւտրի հայտարարագրի ներդրմանը, ինչպես նաեւ մաքսային ("բոնդային") պահեստների օգտագործմամբ արտաքին էլեկտրոնային առեւտրի ապրանքների ֆիզիկական անձանց վաճառքի հնարավորության ապահովմանը:

Լրամշակումից հետո փաստաթուղթը կուղարկվի կողմերի քննարկմանը։