Առուշանյանին գրավի դիմաց ազատ արձակելու մասին դատարանի որոշումը կհրապարակվի փետրվարի 9-ին

Վերաքննիչ քրեական դատարանում դատավոր Ռուբիկ Մխիթարյանի նախագահությամբ փետրվարի 8-ին ներկայացվել է Գորիսի քաղաքապետ Առուշ Առուշանյանի փաստաբանների միջնորդությունը՝ նրա կալանքը 80 մլն դրամից ավելի գրավի դիմաց փոխարինելու վերաբերյալ:

Առուշանյանի գործով դատավորը հեռացավ խորհրդակցական սենյակ։ Իր որոշումը դատարանը կներկայացնի փետրվարի 9-ին ժամը 09:40-ին:

VERELQ-ը հիշեցնում է, որ Առուշ Առուշանյանը մեղադրվում է քվեարկության գաղտնիությունը խախտելու, ընտրական իրավունքի իրացմանը խոչընդոտելու և խարդախության մեջ: Առուշանյանը "Հայաստան" դաշինքի ցուցակներով անցել է խորհրդարան, սակայն ավելի ուշ հրաժարվել է պատգամավորի մանդատից, քանի որ նրա գլխավորած դաշինքը համոզիչ հաղթանակ է տարել Գորիսի ընտրություններում: