Հայաստանում ընկերությունները քիչ են տեղեկացված ԵԱՏՄ նոր որոշումների մասին. հարցում
Հայաստանում, Բելառուսում, Ղազախստանում, Ղրղզստանում եւ Տաջիկստանում ընկերությունները հետաքրքրված են ԵԱՏՄ-ի, նրա ինստիտուտների, որոշումների, միջոցառումների եւ նորարարությունների մասին արդիական տեղեկատվությամբ:
Այս մասին տեղեկացել է Եվրասիական զարգացման բանկը 2021 թվականի օգոստոս-սեպտեմբերին «ԵԱԶԲ ինտեգրացիոն բիզնես-բարոմետր» հետազոտության շրջանակներում անցկացված 337 ընկերությունների հարցումների ընթացքում:
Հարցումների ընթացքում ընկերությունների ներկայացուցիչներին առաջարկվել է գնահատել ԵԱՏՄ-ի և նրա ինստիտուտների գործունեության մասին տեղեկատվության բավարարությունն ու մատչելիությունը, այդ թվում՝ նրանց ընդունած որոշումների, միջոցառումների և նորամուծությունների մասին: Հետազոտությունը պարզել է, որ հարցված ընկերությունների մեծամասնության համար ԵԱՏՄ-ի գործունեության մասին տեղեկատվությունը բավական է եւ հեշտ է գտնել: Այդ մասին հայտնել է Ղազախստանում եւ Տաջիկստանում հարցվածների կեսը, այլ երկրների ընկերությունների ներկայացուցիչների 38-ից մինչեւ 43 տոկոսը:
Դրա հետ մեկտեղ հարցվածների 10-ից մինչեւ 20 տոկոսն ուշադրություն է դարձրել, որ բավարար տեղեկատվության դեպքում այն գտնելը բարդ է: Կարեւոր է, որ տարբեր երկրներում հարցվածների 11-ից մինչեւ 30 տոկոսը նշել է մանրամասն տեղեկատվության պակասը եւ միայն ընդհանուր տեղեկատվության մատչելիությունը: Այս խնդիրը հատկապես նկատելի է հայաստանյան ընկերությունների (30%), ինչպես նաև Ղրղզստանի, Բելառուսի և Ռուսաստանի ներկայացուցիչների համար։
Ընկերությունների զգալի մասը նշել է ԵՏՀ խորհրդատվական կոմիտեների միջոցառումներին բիզնեսի մասնակցության հնարավորությունների մասին տեղեկատվության անբավարարությունը, որն առավել հաճախ նշել են Ղրղզստանում հարցման ենթարկված 57 տոկոսը, Ռուսաստանում՝ 54 տոկոսը և Հայաստանում՝ 47 տոկոսը:
Բաց հարցի պատասխանների վերլուծությունը բացահայտել է նաև ԵԱՏՄ-ում և ԱՊՀ-ում նոր լուծումների, նորմատիվ փաստաթղթերի, աջակցության միջոցների և միջազգային համագործակցության հնարավորությունների մասին ամբողջական, մանրամասն և ակտուալ տեղեկատվության պակաս: Այդ կապակցությամբ ընկերությունները հետաքրքրություն են հայտնել բիզնեսի օպերատիվ իրազեկման ծառայությունների և հարթակների ստեղծման հարցում՝ Եվրասիական ինտեգրման հնարավորությունները ավելի լավ հասկանալու և ավելի արդյունավետ օգտագործելու համար:
