Նրանք Բաքվից տեղափոխվել են Երևան և կմիավորվեն իրենց ընտանիքներին. Մակրոն

Ֆրանսիայի նախագահ Էմանուել Մակրոնը Twitter-ի իր միկրոբլոգում գրառում է արել՝ նվիրված Բաքվի կողմից Երևանին այսօր վերադարձված 8 ռազմագերիներին։

"Նրանք Բաքվից տեղափոխվել են Երևան և կմիավորվեն իրենց ընտանիքներին, որոնցից մի քանի ամիս բաժանված էին։ Շնորհակալություն մեր դիվանագետներին, ինչպես նաև այս գործողության մեջ մոբիլիզացված մեր զինվորներին։ Շարժվում ենք առաջ",- գրել է Մակրոնը:

Հիշեցնենք, փետրվարի 4-ին տեղի ունեցած հեռավար հանդիպման արդյունքներով՝ Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի միջնորդությամբ 8 հայ ռազմագերի վերադարձել է հայրենիք։ Այս մասին հայտնում է ՀՀ ԱԳՆ խոսնակ Վահան Հունանյանը:

Հայտնի են Հայաստան վերադարձվող ռազմագերիների անունները.

Տարզյան Սարգիս
Բալայան Վարդգես
Պետրոսյան Արմեն
Բաբայան Արթուր
Սարգսյան Հմայակ
Գալոյան Գուրգեն
Կյուրեղյան Գրիգոր
Մալոյան Վաղարշակ