Վարդենյաց լեռնանցքը փակ է, Սյունիքի և Գեղարքունիքի ավտոճանապարհներին՝ մերկասառույց

ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ:

Արագածոտնի մարզի Ամբերդ ամրոց և Քարի լիճ տանող «Ամբերդ» բարձրլեռնային օդերևութաբանական կայանից ավտոճանապարհները փակ են:

Վարդենյաց լեռնանցքը փակ է կցորդով բեռնատարների համար և դժվարանցանելի է բեռնատարների համար:

Սյունիքի և Գեղարքունիքի մարզի Ծովագյուղ գյուղի ավտոճանապարհներին տեղ-տեղ առկա է մերկասառույց:

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի Հանրապետության գլխավոր վարչությունից ստացված տեղեկատվության համաձայն Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար: