Վանաձորի ավագանու նիստը չկայացավ. քաղաքապետի ընտրությունը հետաձգվեց

Վանաձորի ավագանին այսօր՝ դեկտեմբերի 24-ին, համայնքի ղեկավար ընտրելու նպատակով նիստ է հրավիրել, սակայն այն չեղյալ է հայտարարվել:

Հիշեցնենք, որ «Լուսավոր Հայաստան» կուսակցությունը դիմել էր դատարան՝ պահանջելով անվավեր ճանաչել Վանաձորի ընտրությունների արդյունքների վերաբերյալ ընտրական հանձնաժողովի որոշումը։ Դեկտեմբերի 24-ին դատարանը կիրառել է հայցի ապահովման միջոց, որով, մասնավորապես, արգելվել է Վանաձորի խոշորացված համայնքի ղեկավարի ընտրության համար Ավագանու նիստերի կազմակերպմանն ու անցկացմանն ուղղված որևէ գործողություն իրականացնել՝ մինչև վերաքննիչ վարչական դատարան ներկայացված վերաքննիչ բողոքի ընդունման հարցի լուծումը:

Բացի այդ, Վանաձորի ավագանու 33 անդամներից նիստին մասնակցել է 16 հոգի։

VERELQ-ը հիշեցնում է, որ ավելի վաղ Քննչական կոմիտեն հաղորդագրություն էր տարածել, ըստ որի՝ 5 տարի Վանաձորը ղեկավարած Մամիկոն Ասլանյանը ձերբակալվել է իր պաշտոնավարման ընթացքում լիազորությունները չարաշահելու, պաշտոնեական կեղծիք կատարելու, հասարակական վտանգավոր արարքներ կատարելու համար:

Ավելի ուշ նա ձերբակալվել է։ Ասլանյանի փաստաբանները պնդում են, որ դա քաղաքական ճնշում է քաղաքապետի ընտրությունների նախօրեին։ Բանն այն է, որ Վանաձորի նախկին քաղաքապետ Մամիկոն Ասլանյանի անունով անվան դաշինքը մասնակցել է դեկտեմբերի 5-ին կայացած ՏԻՄ ընտրություններին և ստացել է ձայների ավելի քան 45 տոկոսը ։ Վանաձորի նոր ձևավորված ավագանին այսօր բաց քվեարկությամբ պետք է ընտրեր քաղաքապետ։