ՌԴ-ում դադարեցրել են Թուրքիայից 60 հազար տոննա խաղողի և 10 հազար տոննա նռան ներկրումը

«Ռոսպոտրեբնադզորը» դադարեցրել է Թուրքիայից և Իրանից որոշ տեսակի բանջարեղենի ու մրգերի ներմուծումը Ռուսաստան:


Արգելքի տակ է հայտնվել այդ երկրներից կիտրոններ, մանդարիններ, պղպեղ, խաղող եւ նուռ արտադրող 33 արտադրողների արտադրանքը։ Ինչպես պարզաբանել են «Ռոսպոտրեբնադզորում», դրանում հայտնաբերվել են 12 թունաքիմիկատների մնացորդային քանակներ, որոնցից 10-ը չի կարելի կիրառել Ռուսաստանում:


«Այնպիսի թունաքիմիկատների կոնցենտրացիաները, ինչպիսիք են քլորպիրիֆոսը, ացետամիպրիդը, որոնք վտանգավորության երկրորդ դասի նյութեր են, տարբեր տեսակի սննդամթերքներում գերազանցել են ավելի քան երկու անգամ», — հայտարարել են գերատեսչությունում:


Ռուսաստան ներմուծման համար թույլ չեն տվել մոտ 60 հազար տոննա թուրքական խաղող եւ ավելի քան 10 հազար տոննա նուռ:


Ընդգծվում է, որ մարմնի 20 կիլոգրամ զանգված ունեցող երեխայի համար քլորպիրիֆոս պարունակող մեկ միջին մանդարինի օգտագործումը կարող է հանգեցնել միջին օրական դոզան 2,5 անգամ գերազանցելու եւ թունավոր ազդեցությունների դրսեւորման, իսկ խաղողի օգտագործումը, որում ացետամիպրիդի հայտնաբերված կոնցենտրացիան 2,4 անգամ գերազանցում է հիգիենիկ նորմատիվը, հաշվի առնելով ացետամիպրիդի թունաբանական հատկությունները, կարող է առաջացնել օրգանիզմի սուր թունավորում ինչպես երեխայի, այնպես էլ մեծահասակ մարդու համար:


 

Տպել

Թեմայի այլ նորություններ
Загрузка...