Չեմ պատրաստվում դառնալ իշխող կուսակցության կամակատարը․ Վարդանյան

Երևանի ավագանու «Լույս» խմբակցության անդամ Թեհմինա Վարդանյանը չի միանալու քաղաքապետ Հայկ Մարությանի դեմ կազմակերպած անվստահություն հայտնելու գործընթացին.

«Վստահ եմ՝ որևէ մեկիդ համար գաղտնիք չի վերջին երեք տարվա քաղաքային անցուդարձը, մասնավորապես իմ և Հայկ Մարությանի՝ որպես քաղաքապետ և ընդդիմադիր ավագանու անդամ հարաբերությունները: Ուզում եմ վստահեցնել, որ որևէ բան չի փոխվել մինչ այս պահը:

Ուզում եմ նաև տեղեկացնել, որ չեմ պատրաստվում դառնալ իշխող կուսակցության կամակատարը:

Այդուհանդերձ, չեմ ստորագրել և չեմ ստորագրելու Հայկ Մարությանի դեմ կազմակերպած անվստահություն հայտնելու փաստաթուղթը:

Մնացյալի մասին ավելի հանգամանալից կխոսեմ առաջիկայում»,- գրել է նա Facebook-ի իր էջում։

Ավելի վաղ խմբակցության անդամ Դավիթ Խաժակյանը հայտարարեց, որ ևս չի միանալու, իսկ նրանց գործընկեր Անի Խաչատրյանը միանալու է նախաձեռնությանը։