ԱՄՆ նախագահ Դոնալդ Թրամփը հայտարարել է, որ ԱՄՆ-ը չի ձգտում Իրանում իշխանափոխության: Թրամփի խոսքով` այն բանից հետո, երբ ԱՄՆ-ը դուրս եկավ միջուկային գործարքից, Թեհրանը փոխեց իր վարքագիծը տարածաշրջանում լուրջ տնտեսական խնդիրների պատճառով: ԱՄՆ նախագահը հավելել է, որ, իր կարծիքով, ԱՄՆ-ին և Իրանին «կհաջողվի գործարք կնքել»: «Իրանը հսկայական տնտեսական ներուժ ունի: Ես այնքան շատ մարդ գիտեմ Իրանից, նրանք հիանալի մարդիկ են, նրանք շանս ունեն հզոր երկիր լինելու ներկայիս ղեկավարության օրոք»,- ասել է Թրամփը:
