Թեհրանը վճռական պատասխան կտա, եթե ԱՄՆ-ը խախտի Իրանի սահմանները: Այդ մասին Իրանի նախագահ Հասան Ռոհանին ասել է Ֆրանսիայի նախագահ Էմանուել Մակրոնի հետ հեռախոսազրույցում: Նա նաև տեղեկացրել է, որ խոցված ամերիկյան անօդաչուն խախտել էր Իրանի օդային տարածքը, իսկ նախազգուշացումները արդյունք չեն տվել: Ռոհանին դարձյալ նշել է, որ Իրանը որևէ մեկի հետ պատերազմ չի ցանկանում և մտադիր չէ պատերազմել, այդ թվում` ԱՄՆ-ի հետ:
