ԵԱՀԿ Մինսկի խումբը հաջորդ շաբաթ հակամարտության գոտում իրավիճակի կտրուկ սրման քննարկման հարցով նիստ կանցկացնի Վիեննայում, հայտնում է gazeta.ru-ն` վկայակոչելով կազմակերպությունում ունեցած աղբյուրի: «Հաջորդ շաբաթ Վիեննայում կանոնավոր կերպով անցկացվող խորհրդակցությունների շրջանակում կհրավիրվի Լեռնային Ղարաբաղի խնդրով զբաղվող համանախագահների եռյակը (Ռուսաստան, ԱՄՆ, Ֆրանսիա), որը, ինչպես սպասվում է, կտեղեկացնի մի շարք մասնակից-պետություններից բաղկացած ԵԱՀԿ Մինսկի խմբի անդամներին այս ձգձգված հակամարտության իրավիճակի և հանարավորինս արագ կարգավորման ուղիների որոնման մասին», - ասել է աղբյուրը: Նրա խոսքով, նման որոշումը կայացվել է` հաշվի առնելով շփման գծում շարունակվող էսկալացիան և կարգավորման հարցում ԵԱՀԿ-ի աջակցության դերը: Հիշեցնենք, որ այսօր հակառակորդը ղարաբաղա–ադրբեջանական զորքերի շփման գծի ողջ երկայքով հարձակողական գործողություններ է իրականացրել՝ կիրառելով տանկ, հրետանի և օդուժ։ ԼՂՀ ՊՆ զինուծը խողել է հայկական դիրքերի գրոհող մեկ ուղղակիռ։ Ադրբեջանի զինուժի կողմից «Գրադ» ռեսակի հրթիռահրետանային կայանքից արձակված կրակոցների հետևանքով Արցախում 12-ամյա երեխա է զոհվել, ևս երկուսը վիրավորվել են։ ՀՀ պաշտպանության նախարարի մամլո խոսնակ Արծրուն Հովհաննիսյանի հաղորդմամբ, մարտերի ժամանակ ադրբեջանական բանակը ուղղաթիռներից բացի կորցրել է նաև ԱԹՍ և տանկեր: Տեղեկատվությունը հերքում է ադրբեջանական ՊՆ-ն:
