Ադրբեջնում տեղի ունեցող կադրային փոփոխություններն ունեն շատ հեռահար նպատակներ, ընդհուպ մինչեւ նախագահի փոփոխություն: Այդ մասին լրագրողների հետ զրույցում այսօր՝ հուլիսի 17-ին, հայտարարել է Հայաստանի արտաքին գործերի փոխնախարար Շավարշ Քոչարյանը՝ մեկնաբանելով Ադրբեջանի ԱԳ նախագահ Էլմար Մամեդյարովի պաշտոնանկությունը: Քոչարյանը չի կարծում, որ ԱԳ նախարարի փոփոխությամբ փոխվելու է նաև Ադրբեջանի արտաքին քաղաքականությունը: «Ցավոք սրտի առ այսօր այդ քաղաքականությունը եղել է դեստրուկտիվ, տեսնենք ինչպես կլինի սրանից հետո»,-ասաց նա: Նա նաև անդրադարձել է Ադրբեջանի նախագահ Իլհամ Ալիևի հայտարարությանն առ այն, թե Էլմար Մամեդյարովը փորձել է Հայաստանի հետ համագործակցել: «Կարծում եմ՝ այստեղ խնդիրը ոչ այնքան արտաքին է, որքան ներքին», - պատասխանել է Քոչարյանը՝ հավելելով, որ Ադրբեջանում վաղուց են տեղի ունենում կադրային փոփոխություններ: «Տպավորություն է, որ այդ կադրային փոփոխությունները շատ հեռահար նպատակներ, ընդհուպ մինչեւ նախագահի փոփոխություն», - ասել է նա: Պաշտոնյան նաև նկատել է, որ արցախյան հակամարտության ուժային լուծման ցանկացած փորձ խանգարում է բանակցային գործընթացին: «Այս տեսանկյունից Ադրբեջաի վերջին քայլն ավելի է հեռացնում այդ հեռանկարը», - ասել է նա՝ արձագանքելով վերջին օրերին Տավուշի ուղղությամբ հայ-ադրբեջանական սահմանին նկատվող լարվածության կտրուկ աճին:
