Երևանի ընդհանուր իրավասության դատարանի Շենգավիթի նստավայրի դատավոր Արտուշ Գաբրիելյանը կալանավորվել է։ Տեղեկությունը հաստատել են ՀՀ գլխավոր դատախազությունից։ Նրա դեմ հարուցվել է քրեական գործ՝ կաշառք ստանալու մեղադրանքով։ Հիշեցնենք, որ ապրիլի 30-ին Բարձրագույն դատական խորհուրդը բավարարել էր գլխավոր դատախազի երկու միջնորդությունները՝ Արտուշ Գաբրիելյանի նկատմամբ քրեական հետապնդում հարուցելու և նրան կալանավորելու համաձայնություն տալու մասին։
