Հայաստանը կճանաչի Արցախը, երբ գա դրա ժամանակը: Այս մասին «Հազարամյակի զարգացման նպատակների իրականացման առաջընթացի գնահատում և Կայուն զարգացման օրակարգ 2030» ազգային զեկույցի ներկայացմանը նվիրված միջոցառման շրջանակում լրագրողներին ասաց ՀՀ վարչապետ Հովիկ Աբրահամյանը: Վարչապետը նշեց, որ նոր է վերադարձել Լեռնային Ղարաբաղից, որտեղ մասնակցում էր Շուշիի ազատագրման և բանակի կազմավորմանը նվիրված հանդիսավոր միջոցառումներին: Նա լրագրողներին նաև փոխանցեց, որ «իրավիճակը շփման գծում այսօր կայուն է»:
