«Մարտի 1»-ի գործով մեղադրյալ ներգրավված Միքայել Հարությունյանը հանդիսանում է ՌԴ քաղաքացի: Հատուկ քննչական ծառայությունը ստացել է Ռուսաստանի Դաշնության պատասխանը, համաձայն որի Հարությունյանը հանդիսանում է ՌԴ քաղաքացի։ Այս մասին մեր զրույցում ասաց ՀՔԾ խոսնակ Մարինա Օհանջանյանը՝ հավելելով, որ լրացուցիչ հարցում են ուղարկել ՌԴ՝ պարզելու, թե Հարությունյանը երբ է ստացել Ռուսաստանի քաղաքացիություն։ Մինչ այդ ՀՔԾ ստուգում էր Միքայել Հարությունյանի՝ ՌԴ քաղաքացի լինելու փաստը ստուգվում է: «Ինտերֆաքսը» շաբաթներ աջագ տեղեկացրել էր, որ 2002 թվականից Միքայել Հարությունյանն ունի ռուսական անձնագիր: Այս տեղեկությունը տարիներ շարունակ չի հանրայնացվել եւ չնայած դրան՝ Հարությունյանը 2000-ականներին զբաղեցրել է ՀՀ պաշտպանության նախարարի պաշտոնը: ՌԴ քաղաքացի լինելու պատճառով է, որ ՌԴ-ն իր տարածքում կասեցրել է Հարությունյանի նկատմամբ հայտարարված միջպետական հետախուզումը: Հարությունյանին Պնախարար էր նշանակել Ռոբերտ Քոչարյանը, որը եւս այժմ անցնում է Մարտի 1-ի գործով եւ գտնվում է անազատության մեջ: Ըստ այդմ հանրության շրջանում հարցեր են առաջանում, որոնք այժմ անպատասխան են: Նախ, ինչպե՞ս է այլ երկրի քաղաքացիություն ունեցող անձը նշանակվել ՀՀ պաշտպանության նախարար: Արդյոք նա նշանակման պահին եղե՞լ է ՌԴ քաղաքացի, թե՞ քաղաքացիությունը ձեռք է բերել հետո: Հիշեցնենք, որ ՊՆ նախկին նախարար Միքայել Հարությունյանի նկատմամբ միջազգային հետախուզում է հայտարարվել 2008 թվականի Մարտի 1-ն սահմանադրական կարգը տապալելու մեղադրանքով։
