Հայաստանի եւ Սինգապուրի միջեւ կրկնակի հարկումը բացառելու մասին համաձայնագրի վավերացման հարցը քննարկվել է այսօր՝ հոկտեմբերի 20-ին, ԱԺ տնտեսական հարցերի մշտական հանձնաժողովի նիստում: Ներկայացնելով հարցը՝ ֆինանսների փոխնախարար Արման Պողոսյանը նշեց, որ փաստաթուղթը ստորագրվել է դեռևս 2019 թվականի հուլիսին։ Փաստաթղթի ստորագրման նպատակն է իրավաբանական եւ ֆիզիկական անձանց համար երկու երկրներում առավել բարենպաստ եւ կայուն հարկային միջավայրի ձեւավորումը: Ֆինանսների նախարարության գնահատականներով՝ համաձայնագրի վավերացումը կնպաստի ազգային տնտեսությունների ներդրումային գրավչության բարձրացմանը և տնտեսական ակտիվության ցուցանիշների բարելավմանը։ Առաջնային իրավունք է հարկման պասիվ եկամտի պահպանվում է ծագման երկրի եկամտի։ Ձեռնարկությունների եկամտահարկի դեպքում գերակա իրավունքը նույնպես պահպանվում է այն երկրի նկատմամբ, որտեղ ձեւավորվել է մշտական ներկայացուցչություն: Ժամանակավոր ձեռնարկատիրական գործունեության դեպքում ընդունող երկիրը հարկման իրավունք չունի, այն ամրագրվում է բացառապես ռեզիդենտ երկրի համար: Հանձնաժողովը տվել է դրական եզրակացություն՝ համաձայնելով վերոնշյալ համաձայնագրի վավերացման հարցը ներառել առաջիկա հերթական նիստի օրակարգի նախագծում: