Այսօր քարոզարշավի պաշտոնական մեկնարկի առաջին օրը իրավապահները սկսել են խուզարկություններ անել Շիրակի մարզի Անի խոշորացված համայնքի « Ուժեղ Հայաստան» դաշինքի գրասենյակներում։ Կան արդեն բերման ենթարկվածներ, ձերբակալվածներ։ Հակակոռուպցիոն կոմիտեի պարզաբանմամբ, քննչական գործողություններն իրականացվում են ընտրակաշառք տալու, ստանալու և Քրեական օրենսգրքի մի շարք այլ հոդվածներով նախաձեռնված քրեական վարույթի շրջանակներում։ Aravot.am-ի տեղեկություններով՝ ձերբակալվել են Մարալիկի տարածքային գրասենյակի պատասխանատու Թաթուլ Բուլոյանը և նրա կինը։ Խուզարկություններ են կատարվել նաև նրանց բնակարանում և գրասենյակում։
