Ադրբեջանը առաջարկել է Իրանին օգտագործել իր ենթակառուցվածքները համաշխարհային շուկաներ նավթ ու գազ արտահանելու համար: Այդ մասին հայտարարել է Թեհրանում այցով գտնվող Ադրբեջանի էկոնոմիկայի և արդյունաբերության նախարար Շահին Մուստաֆաևը՝ Իրանի նավթի նախարար Նամդար Բիժան Զանգանեի հետ հանդիպմանը, փոխանցում է Trend-ը: Նախարարը նշել է, որ Իրանը կարող է օգտագործել ադրբեջանական ենթակառուցվաքները, մասնավորապես Բաքու-Թբիլիսի-Ջեյհան նավթամուղը նավթի արտահանման համար: Ըստ նրա, Իրանն ապագայում կարող է միանալ նաև Տրանսանատոլիական գազամուղին (TANAP): Բացի այդ, Ադրբեջանը առաջարկել է Իրանին օգտագործել իր գազապահեստարանները՝ գազի պահպանման և օգտագործման համար՝ սպառման աճի ժամանակ: Դրանից բացի, Իրանի առաջարկվել է համագործակցություն նավթագազային մեքենաշինության և նավթագազային սարքավորումների համատեղ արտադրության ոլորտում:
