Արցախի Հանրապետության պաշտպանության նախկին նախարար Սամվել Բաբայանի կալանքի ժամկետըերկարաձգվել է երկու ամսով: Այս մասին հայտնել է Սամվել Բաբայանի պաշտպան Ավետիս Քալաշյանը: «Սամվել Բաբայանը չի ցանկացել ներկա գտնվել դատական նիստին»,- նշել է նա: Հիշեցնենք, Սամվել Բաբայանը կալանավորվել է Հայաստան Վրաստանից «Իգլա» տեսակի զենիթա-հրթիռային համալիր տեղափոխելու փաստի առթիվ ԱԱԾ-ում հարուցված քրեական գործի շրջանակում: Նախկին հրամանատարին մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասի և 235.1 հոդվածի 2-րդ մասի հատկանիշներով։ Թեև Սամվել Բաբայանի փաստաբանը դրական ակնկալիքներ ուներ, սակայն ապրիլի 21-ին ՀՀ վերաքննիչ քրեական դատարանը մերժեց Բաբայանի կալանքի վերաբերյալ ներկայացված բողոքը:
