Ռուսաստանի եւ Թուրքիայի նախագահների հանդիպումը նպաստեց սիրիական Իդլիբում ճգնաժամային իրավիճակի կանխմանը։ Այս մասին Միգրանտների եւ փախստականների մասին նյույորքյան հռչակագրի երկրորդ տարեդարձին նվիրված բարձր մակարդակի հանդիպմանը հայտարարել է Թուրքիայի արտգործնախարար Մեւլութ Չավուշօղլուն՝ տեղեկացնում է ՏԱՍՍ-ը։Հանդիպումն անցել է ՄԱԿ ԳԱ 73-րդ նստաշրջանի շրջանակներում։«Երկու երկրների նախագահները կանխեցին ահավոր հումանիտար ողբերգությունը Իդլիբում։ Մենք ցույց տվեցինք, որ ահաբեկչության դեմ հաստատակամորեն պայքարելու հետ միասին կարող ենք նաեւ ապահովել քաղաքացիական անձանց պաշտպանությունն իրենց բնակավայրերում»,- հայտարարել է նա։
