Իրանի նախագահ Հասան Ռոուհանին ԱՄՆ-ի նոր պատժամիջոցների նախաշեմին հայտարարել է, որ Թեհրանը չի վախենում Վաշինգտոնի սպառնալիքներից: «Ժողովուրդը պետք է իմանա, որ կառավարությունը չի վախենում ամերիկյան սպառնալիքներից»,- ասել է Ռոուհանին, ելույթ ունենալով կառավարության նիստում: Ռոուհանին նշել է, որ իրանցի ժողովուրդը հաստատակամություն ու տոկունություն կդրսևորի ամերիկյան պատժամիջոցների դեմ հանդիման, որոնք նա որակել է «ամերիկացիների կողմից կեղեքման» նոր փուլ: Ընդսմին Ռոուհանին չի բացառել, որ ժողովուրդը հաջորդ մի քանի ամսվա ընթացքում խնդիրներ կունենա, որոնց սրությունը մեղմացնելու համար կառավարությունը կձեռնարկի առկա բոլոր հնարավորությունները:
