Հայաստանի ԱԳՆ մաուլի խոսնակ Աննա Նաղդալյանը մեկնաբանել է վերջերս տեղի ունեցած հայ և ադրբեջանցի լրագրողների փոխանակման ծրագրի մասին լուրերը: Վերջին շրջանում լուրեր շրջանառվեցին հայկական և ադրբեջանական մամուլում հայ լրագրողների Բաքու այցելության, ինչպես նաև ադրբեջանցի լրագորղների Հայաստան այցելության մասին, որը ԱԳՆ-ն ոչ հաստատեց, ոչ էլ հերքեց: «Նոյեմբերի 17-21-ը տեղի է ունեցել լրագրողների խմբերի փոխանակում. Հայաստանի և Արցախի ԶԼՄ ներկայացուցիչներն այցելել են Ադրբեջան, իսկ ադրբեջանական ԶԼՄ ներկայացուցիչները՝ Հայաստան և Արցախ: Ծրագիրը նախապատրաստվել և կյանքի է կոչվել ԵԱՀԿ գործող նախագահի անձնական ներկայացուցչի համակարգմամբ և Հայաստանի, Արցախի և Ադրբեջանի համապատասխան գերատեսչությունների ներգրավմամբ», - ասված է Նաղդալյանի հայտարարության մեջ:
