«Ռոսատոմ» պետական կորպորացիայի վառելիքային ընկերությունը եւ Հայկական ԱԷԿ-ը պայմանագիր են ստորագրել 2021 թվականի համար Մեծամորի ատոմակայանի միակ գործող էներգաբլոկի համար ռուսական միջուկային վառելիքի մատակարարման վերաբերյալ, հաղորդում է «ՌԻԱ Նովոստին»՝ վկայակոչելով ընկերության մամուլի ծառայությանը: «Մենք պատրաստ ենք հետագայում եւս մինչեւ այդ ԱԷԿ-ի ատոմային բլոկի ծառայության ժամկետի ավարտն այն ապահովել ռուսական միջուկային վառելիքով», - նշել է ընկերության նախագահ Նատալյա Նիկիպելովան: Հայկական ԱԷԿ-ը, որը միակն է տարածաշրջանում, գտնվում է Մեծամոր քաղաքի մոտ (Երեւանից մոտ 30 կմ հարավ), ունի երկու էներգաբլոկ, որոնք կառուցված են ՎՎԵՐ-440 տիպի սեյսմակայուն ռեակտորների հիման վրա: Հայկական ԱԷԿ-ի առաջին էներգաբլոկը շահագործման է հանձնվել 1976 թվականի դեկտեմբերին, երկրորդը՝ 1980 թվականի հունվարին։ Այժմ կայանում շահագործվում է միայն երկրորդ էներգաբլոկը։
