ԱԺ խմբակցություններն իրենց թեկնածուներին են առաջադրել մնացած 9 մշտական հանձնաժողովների նախագահների պաշտոնում: Իշխող «Քաղաքացիական պայմանագիր» կուսակցությունը խորհրդարանական հանձնաժողովների նախագահների հաջորդ թեկնածուներին է առաջադրել: ՔՊ խմբակցության անդամ Էդուարդ Աղաջանյան՝ ԱԺ արտաքին հարաբերությունների հանձնաժողով; ՔՊ խմբակցության անդամ Գեւորգ Պապոյան՝ ԱԺ ֆինանսավարկային եւ բյուջետային հարցերի հանձնաժողով; ՔՊ խմբակցության անդամ Վահե Ղալումյան՝ ԱԺ տարածքային կառավարման, տեղական ինքնակառավարման, բնապահպանության եւ գյուղատնտեսության հարցերի հանձնաժողով; ՔՊ խմբակցության անդամ Սիսակ Գաբրիելյան՝ ԱԺ կրթության, գիտության, մշակույթի, երիտասարդության, սպորտի եւ սփյուռքի հարցերի հանձնաժողով; ՔՊ խմբակցության անդամ Արման Եղոյան՝ ԱԺ Եվրաինտեգրման հարցերի հանձնաժողով; ՔՊ խմբակցության անդամ Հերիքնազ Տիգրանյան՝ ԱԺ աշխատանքի եւ սոցիալական հարցերի հանձնաժողով; ՔՊ խմբակցության անդամ Նարեկ Զեյնալյան՝ ԱԺ առողջապահության հարցերի հանձնաժողով: Հակառակ կանխատեսումների՝ ՔՊ խմբակցության անդամներ Արսեն Թորոսյանը (առողջապահության նախկին նախարար) և Զարուհի Բատոյանը (աշխատանքի և սոցիալական հարցերի նախկին նախարար) իշխող մեծամասնության կողմից չեն առաջադրվել գլխադասային հանձնաժողովների նախագահների։ Իշխող խմբակցության երեք թեկնածուները՝ Նարեկ Զեյնալյանը, Արման Եղոյանը, Վահե Ղալումյանը, 7-րդ գումարման խորհրդարանում նուն հանձնաժողովներն են գլխավորել։ «Հայաստան» դաշինքի անդամ Արմեն Գևորգյան՝ ԱԺ տարածաշրջանային համագործակցության և եվրասիական ինտեգրման հարցերի հանձնաժողով; «Պատիվ ունեմ» դաշինքի անդամ Թագուհի Թովմասյան՝ մարդու իրավունքների և հանրային հարցերի հանձնաժողով: Նշենք, որ այսօր պատգամավորները քննարկել են «Հայաստան» դաշինքի անդամ Վահե Հակոբյանի թեկնածությունը տնտեսական հարցերի հանձնաժողովի նախագահի պաշտոնում: Նախօրեին քննարկվել են պետական-իրավական հարցերի մշտական հանձնաժողովի նախագահի պաշտոնում ՔՊ անդամ Վլադիմիր Վարդանյանի եւ ՔՊ անդամ Անդրանիկ Քոչարյանի թեկնածությունները պաշտպանության եւ անվտանգության հարցերի հանձնաժողովի նախագահի պաշտոնում: Ընտրվելու պարագայում 12 մշտական հանձնաժողովներից առաջադրումների արդյունքում միայն երկուսը կգլխավորեն կին պատգամավորներ:
