Այսօր կեսօրին Քաղպայմանագրի կենտրոնական գրասենյակում իշխող ուժը հավաք կանցկացնի, որին կմասնակցի նաեւ վարչապետ Նիկոլ Փաշինյանը: Օրակարգում, ըստ իմքայլականի, տարբեր հարցեր կլինեն, նախեւառաջ` Սահմանադրական դատարանի դատավորի թեկնածուի ընտրության հարցը: Այս մասին գրում է «Հրապարակ»-ը: «Կառավարության թեկնածուն, ինչպես գրել էինք, Էդգար Շաթիրյանն է, ԱԺ-ն հավանաբար վաղը կամ մյուս օրը արտահերթ նիստ կհրավիրի ՍԴ դատավորի թեկնածուներին ընտրելու նպատակով»,- հայտնում է թերթը: