Մոտ ժամանակներս Թեհրանում տեղի կունենա Իրանի, Ադրբեջանի եւ Թուրքիայի ներկայացուցիչների հանդիպումը: Այս մասին հունվարի 31-ին կայացած մամուլի ասուլիսի ժամանակ հայտարարել է Իրանի արտաքին գործերի նախարարության պաշտոնական ներկայացուցիչ Սաիդ Խաթիբզադեն, փոխանցում են ադրբեջանական լրատվամիջոցները։ Հանդիպմանը կքննարկվեն տարածաշրջանային համագործակցության հարցեր։ Հանդիպման հստակ ամսաթիվը Իրանի ԱԳՆ պաշտոնական ներկայացուցիչը չի հայտնել։
