Մոսկվան Կիևին է փոխանցել հստակ ձևակերպումներով փաստաթղթի նախագիծ և այժմ սպասում է պատասխանի։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։ «Ներկայումս մեր փաստաթղթի նախագիծը փոխանցվել է ուկրաինական կողմին, որը ներառում է բացարձակապես հստակ ձևակերպումներ», - մեջբերում է RT-ն նրա խոսքերը։ Կրեմլի խոսնակն ընդգծել է, որ այժմ գնդակը Ուկրաինայի դաշտում է։ Միաժամանակ նա նշել է, որ ուկրաինական կողմը մշտապես շեղվում է ձեռք բերված պայմանավորվածություններից, ինչը բացասաբար է անդրադառնում բանակցային գործընթացի արդյունավետության վրա։
