Մ-2 Երևան-Երասխ-Գորիս-Մեղրի-Իրանի սահման միջպետական ճանապարհի մի քանի հատվածներում ընթանում են վերանորոգման աշխատանքներ: Ճանապարհային դեպարտամենտ ՊՈԱԿ-ը «Ֆեյսբուք»-ի իր էջում հրապարակել է համապատասխան տեսանյութ: Նշվում է, որ ասֆալտապատման աշխատանքներն ընթանում են մոտ 17 կմ երկարությամբ ճանապարհահատվածում: «Սպասվում է, որ վերանորոգման աշխատանքները կավարտվեն մինչեւ տարեվերջ։ Ճանապարհի վերանորոգումն իրականացվում է ՀՀ պետական բյուջեի միջոցների հաշվին», - նշվում է հաղորդագրության մեջ: