Վրաստանի, Մոլդովայի և Ուկրաինայի անդամակցությունը Եվրամիությանն այժմ քննարկելու օրակարգային հարց չէ։ Այս մասին հայտարարել է Գերմանիայի կանցլեր Օլաֆ Շոլցը, գրում է EADaily-ն։ «Հարկավոր է հստակ հասկանալ, որ սա, իհարկե, նախադրյալներ ունի, բայց հիմա, կարծում եմ, դա այն հարցը չէ, որ կարելի է քննարկել։ Մենք պետք է կանխենք պատերազմը, այսինքն՝ ոչ թե հաղթահարենք, այն արդեն ընթանում է, բայց համոզվենք, որ էսկալացիա չլինի: Մենք պետք է ամեն ինչ անենք, որպեսզի Ուկրաինայի զարգացման հեռանկարները լավը լինեն, որպեսզի երկիրը ամբողջությամբ չավերվի և միլիոնավոր մարդիկ չզոհվեն»,- ասել է Շոլցը ZDF հեռուստաալիքին տված հարցազրույցում։ Կոնկրետ ԵՄ-ին անդամակցելու ուկրաինական հայտի վերաբերյալ կանցլերը հավելել է, որ այժմ խոսքը օգնության կազմակերպման մասին է։ Շոլցը նաև ճիշտ որոշում է համարել Ուկրաինայի և Վրաստանի ՆԱՏՕ-ին անդամակցելը մերժելը։
